Bein útsending frá EM í frjálsíþróttum í Róm.

Heimildarþáttur frá BBC þar sem dr. Ronx Ikharia rannsakar hvernig hægt er að styrkja ónæmiskerfi sitt.

Færeysk heimildarmynd um nútímatækni. Tölvur, farsímar og spjaldtölvur hafa umbreytt lífi okkar og tilveru og haft áhrif á hvernig við verjum tíma okkar saman. Uppeldi, skólastarf og atvinnulíf tekur sífelldum breytingum og margir vita ekki hvort þeir eiga að lofsama þessa nýju þróun eða hræðast hana.

Dönsk heimildarmynd frá 2020 þar sem jarðfræðingurinn Minik Rosing rekur sögu gulls í Danmörku og heiminum öllum.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.

Norskur heimildarþáttur um frjálsíþróttamann sem reynir að slá 28 ára heimsmet í 400 metra grindahlaupi karla. Langlíft heimsmet Kevins Young frá 1992 er 46,78. Er hinn 23 ára Norðmaður, Karsten Holm, kominn til að slá metið?

Bein útsending frá spurningakeppni framhaldsskólanna sem einkennist af stemningu, spennu og virkri þátttöku allra í salnum. Spurningahöfundar og dómarar eru Ingileif Friðriksdóttir, Vilhelm Anton Jónsson og Sævar Helgi Bragason. Spyrill er Kristjana Arnarsdóttir. Stjórn útsendingar: Elín Sveinsdóttir.

Leikararnir Karl Ágúst Úlfsson, Randver Þorláksson, Pálmi Gestsson, Sigurður Sigurjónsson og Örn Árnason sýna áhorfendum samtíðaviðburði frá nýju sjónarhorni. Stjón upptöku: Björn Emilsson.

Matthías Már Magnússon tekur á móti tónlistarfólki sem veitir innsýn í líf sitt og flytur nokkur af vinsælustu lögunum sínum í bland við nýjar ábreiður. Í þáttunum fá áhorfendur að sjá nýjar hliðar á mörgu af áhugaverðasta tónlistarfólki landsins.

Þáttaröð í umsjón Egils Helgasonar þar sem saga Siglufjarðar er rakin. Bærinn var lengi utan alfaraleiðar en vegna mikils uppgangs á 20. öld varð hann þungamiðja síldveiða sem um skeið voru arðvænlegasta atvinnugrein á Íslandi. Í þáttunum er einnig sagt frá skemmtanalífi, rómantík, slagsmálum, tónlist, skíðaiðkun og einstökum bæjarbrag. Dagskrárgerð: Ragnheiður Thorsteinsson. e.

Ævintýraleg þáttaröð um fjóra félaga sem ferðast um heiminn á skútu. Í hverri höfn leika þeir svo sirkúslistir fyrir borgarana áður en þeir sigla á næsta áfangastað.

Glænýir þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ. e.

Glænýir þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Íslensk tónlistarmyndbönd alla virka daga fyrir fréttir.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.

Breskir sakamálaþættir frá 2023. Rannsóknarlögreglumaðurinn Humphrey Goodman og unnusta hans, Martha, flytja í lítið þorp í Devon á Englandi. Humphrey gengur í lögreglu þorpsins þar sem hann rannsakar glæpi eins og honum einum er lagið. Aðalhlutverk: Kris Marshall, Sally Bretton og Zahra Ahmadi.

Heimildarmynd frá 2021 í leikstjórn Nefise Özkal Lorentzen. Seyran Ates var á meðal fyrstu kvenna í Evrópu til að verða ímam og nú berst hún fyrir nútímavæðingu íslam. Hún hefur orðið fyrir alvarlegu aðkasti vegna skoðana sinna og þarf lögregluvernd allan sólarhringinn. Seyran telur íslam þurfa á kynlífsbyltingu að halda og í moskunni hennar í Berlín biðja öll saman, burt séð frá kyni og kynhneigð. Myndin er ekki við hæfi barna yngri en 12 ára.

Veðurfréttir.

Fimmta þáttaröð þessara bresku spennuþátta. Rannsóknarlögreglumaðurinn Sunny Khan og samstarfsfólk hans snúa aftur til starfa eftir mikið áfall þegar líkamsleifar finnast í reykháfi í vesturhluta London. Það reynist teyminu erfitt að leysa málið og nýr samstarfsfélagi þeirra, Jess James, auðveldar þeim ekki lífið. Aðalhlutverk: Sanjeev Bhaskar og Sinéad Keenan. Þættirnir eru ekki við hæfi barna yngri en 12 ára.

Sannsöguleg áströlsk dramaþáttaröð frá 2023. Árið 1996 hvarf hin 18 ára Sarah Spiers og var það upphaf lögreglumáls sem tók 25 ár að leysa. Þegar tvær konur til viðbótar hverfa stuttu síðar er lögreglunni ljóst að um raðmorðingja sé að ræða. Aðalhlutverk: Ryan Johnson, Catherine Van-Davies og Aaron Glenane. Þættirnir eru ekki við hæfi barna yngri en 12 ára.