Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir. Hálka á vegum bakar gangandi vegfarendum hættu á þessum tíma árs. Afleiðingar hálkuslysa geta verið langvarandi og þeim er best varist með vörnum á borð við söltun, brodda og söndun. Hjörtur F. Hjartarson forstöðulæknir skurðlækninga á Landspítalanum ræðir annríki hálkutíðar og Guðrún Hálfdánardóttir dagskrárgerðarkona lýsir slæmu hálkuslysi sem hún lenti í fyrr á árinu. Einmanaleiki eykst og rannsóknir sýna að afleiðingar hans eru síst léttvægar - einmanaleiki getur haft alvarleg áhrif á líkamlega og andlega heilsu auk þeirrar félagslegu. Sigríður Halldórsdóttir ræðir við Guðrúnu Agnarsdóttur um einmanaleika og hvernig hægt er að kljást við hann. Útvarpsleikritið Nærbuxurnar í Hamraborg eftir Viktoríu Blöndal fjallar um krakka sem leggja upp í háskaför, en með hlutverk þeirra fara Róbert Ómar Þorsteinsson og Kría Valgerður Vignisdóttir.

Fróðlegir skemmtiþættir þar sem Sigtryggur Baldursson fjallar um örnefni á Íslandi frá ýmsum sjónarhornum. Dagskrárgerð: Guðlaugur Maggi Einarsson.

Leikir á EM kvenna í handbolta. Leikur Svíþjóðar og Rúmeníu í milliriðli á EM kvenna í handbolta.

Bresk leikin þáttaröðin um hina litríku og lífsglöðu Larkin-fjölskyldu. Þættirnir gerast í Kent-sýslu á Englandi um 1950 og eru byggðir á sígildri sögu H. E. Bates, The Darling Buds of May, eða Maíblómin. Aðalhlutverk: Bradley Walsh, Joanna Scanlan og Lydia Page.

Jólaminningar úr safni RÚV. Óperusöngvarinn Kristján Jóhannsson er gestur hjá Hemma Gunn í stuttri Íslandsheimsókn. Hemmi ákvað þá að koma honum rækilega á óvart.

Nýr skemmtiþáttur um íslenska tungu í umsjón Bjargar Magnúsdóttur og Braga Valdimars Skúlasonar þar sem þátttakendur etja kappi í fjölbreyttum leikjum og þrautum, meðal annars í taugatrekkjandi stöfunarkeppni og í sérhannaðri útgáfu af hengimanni. Framleiðsla: Skot í samstarfi við RÚV. Skemmtiþáttur um íslenska tungu í umsjón Bjargar Magnúsdóttur og Braga Valdimars Skúlasonar. Þátttakendur etja kappi í taugatrekkjandi stöfunarkeppni og sérhannaðri útgáfu af hengimanni og ýmsum öðrum þrautum. Keppendur í þessum þætti eru Sævar Sigurgeirsson, Davíð Þór Jónsson, Bríet Ísis Elfar og Aron Már Ólafsson. Framleiðsla: Skot í samstarfi við RÚV.

Susanne eldar veislumat sem hentar öllum og býður til grænkerajólaveislu.

Álfarnir Þorri og Þura fara létt með að bíða eftir jólunum enda eru þau hugmyndaríkir fjörkálfar og bestu vinir. Með gleði, söng og samveru líður tíminn hraðar. Til að hugga vin sinn, Eystein, stinga Þorri og Þura upp á því að tendra jólaljósin í stofunni heima hjá Þorra í stað þess að fara á miðbæjartorgið.

Talsett norskt jóladagatal. Selma er 9 ára munaðarlaus stelpa sem býr hjá hinni ströngu Rut. Selma á þá ósk heitasta að eignast alvöru fjölskyldu og biður jólasveininn um hjálp.

Abbe getur stöðvað tímann þegar hlutirnir ganga ekki upp eins og hann vill. Þegar foreldranir hlusta ekki, stóri bróðir er alveg sama og heimurinn er ósanngjarn þá hrópar Abbe STOPP og þá stöðvast allt. Nú er það hann sem ræður.

Hvað gerist þegar tvær mjög ólíkar stelpur verða skyndilega systur? Kim vill fara, en Jenny vill það ekki og gerir allt til að hún verði um kyrrt. En það var fyrir eldsvoðann.

Íslensk tónlistarmyndbönd. Úr Söngvakeppninni 1986.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Söfnunar- og skemmtiþáttur UNICEF, Barnahjálpar Sameinuðu þjóðanna. UNICEF á Íslandi fagnar 20 ára afmæli í ár og í þessi 20 ár hafa tugþúsundir Íslendinga búið til pláss í hjarta sínu í hverjum mánuði fyrir réttindum og velferð milljóna barna með því að vera Heimsforeldrar UNICEF. Í þættinum taka þjóðþekktir leikarar, grínistar, tónlistar- og fjölmiðlafólk höndum saman til þess að sýna hvernig þessi hjálp skilar sér til barna um allan heim. Stjórn útsendingar: Þór Freysson og Björgvin Harðarson. Umsjón: Ragnhildur Steinunn Jónsdóttir, Sigrún Ósk Kristjánsdóttir, Fannar Sveinsson og Sandra Barilli. Framleiðsla: UNICEF á Íslandi, RÚV, Stöð 2 og Síminn.

Kvikmynd frá 2002 eftir Friðrik Þór Friðriksson eftir handriti hans og Einars Kárasonar. Simon kemur til Íslands til að fyrirfara sér en áður en til þess kemur hittir hann hina heillandi Dúu. Eftir að hún kemst upp á kant við lögin flýja þau Simon úr landi með íslenskan fálka í farteskinu. Aðalhlutverk leika Keith Carradine, Margrét Vilhjálmsdóttir og Ingvar E. Sigurðsson. Myndin er ekki við hæfi barna yngri en 12 ára.

Upptaka frá jólatónleikum Gauta Þeys Mássonar í Háskólabíói í desember 2022. Ásamt Gauta koma fram Ragga Gísla, Club Dub, Saga Garðars, Jesús Kristur og Úlfur Úlfur. Aðstoðarmaður Gauta, inn-á-leiðarinn Emil Alfreð, verður á sínum stað aðdáendum til mikillar gleði. Stjórn upptöku: Gísli Berg. Framleiðsla RÚV og Emmsjé Gauti. Tónleikarnir eru ekki við hæfi barna yngri en 12 ára.