Smástund hentar vel fyrir þau allra yngstu, í hverjum þætti lærum við orð, liti, tölur og tónlist. Dagskrárgerð: Agnes Wild. Tónlist: Sigrún Harðardóttir.

Ævintýri Bursta og vina hans. Bursti er forvitinn og þrjóskur broddgöltur sem býr þar sem litlir hlutir eru stórir.

Ný sería um fjólubláa fílinn Fílsa sem lærir ýmislegt um allskonar mismunandi vélar.

Hinrik hittir einhvern nýjan á hverjum degi og lendir í ótrúlegustu uppákomum.

Vandaðir þættir þar sem hugur og skynjun barna eru örvuð á sjónrænan hátt án orða.

Vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Þriðja þáttaröðin um vinalega hundinn Sám og krílin sem vinna sér inn merki á leikskólanum hans.

Litlu lundasystkinin Úna og Bubbi búa á eyjunni Lundakletti. Þau lenda sífellt í nýjum ævintýrum með vinum sínum.

Ólivía er sniðug svínastelpa sem tæklar hversdaginn með frumlegum leiðum. Hún dettur gjarnan í dagdrauma og hefur að auki sett sér ýmsar sniðugar lífsreglur.

Stærðfræðiofurhetjurnar Millý, Geó og Bói hjálpa krökkum að læra tölur, form og mynstur.

Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?

Gamansamir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það, enda eru ævintýrin hjá stórri fjölskyldu mörg og ímyndunaraflið mikið. Eddi strútapabbi undirbýr afmælisveislu fyrir börnin, en þá kemur kráka og stelur öllum afmælisgjöfunum! Hann verður að ná þeim til baka áður en börnin vakna!

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Skemmtilegir þættir um hina ástsælu Múmínálfa Tove Jansson og ævintýri þeirra.

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Hrúturinn Hreinn og félagar hans á bóndabænum lenda í mörgum skemmtilegum ævintýrum.

Teiknimyndaþættir um Lóu sem er 12 ára og býr með mömmu sinni í stórborg. Lóu finnst hún ekki lengur vera barn og ekki alveg vera unglingur ennþá og reynir að takast á við allar þær tilfinningar sem vakna þegar unglingsárin eru að hefjast.

Færeyskir þættir þar sem Elin á Rógví hittir krakka og ræðir við þau um margvísleg málefni eins og hvernig er að eiga átta systkini eða hvernig er að missa foreldri.

Þáttaröð frá 2015 úr smiðju Ævars vísindamanns. Í þessari þáttaröð leggur Ævar allt undir. Laufblásara-knúin svifbretti, segulskór og skordýrahamborgari eru bara nokkrar af þeim æsispennandi tilraunum sem koma fyrir. Dagskrárgerð: Ævar Þór Benediktsson og Eggert Gunnarsson Í þessum þætti lítum við til himins og týnum okkur í stjörnunum. Við fjöllum um geiminn og geimverur, hvað gerist ef geimfari deyr í geimnum og hittum alvöru geimfara. Sævar Helgi stjörnufræðingur kíkir í heimsókn, Sprengjugengið gerir allt vitlaust og svo rannsökum við fyrstu konuna sem fór út í geim.

Heimildarmynd um Ás styrktarfélag sem hefur frá upphafi verið brautryðjandi í þjónustu við fólk með þroskahömlun. Dagskrárgerð: Páll Kristinn Pálsson og Aðalgeir Gestur Vignisson. Framleiðandi: Epos kvikmyndagerð.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson. Handhafar Íslensku bókmenntaverðlaunanna eru í sviðsljósinu í Kilju vikunnar. Guðjón Friðriksson kemur í þáttinn, klyfjaður sagnfræðiritum sem hann hefur skrifað - þau munu vera meira en þrjátíu talsins, enginn hefur fengið bókmenntaverðlaunin oftar en hann, nefnilega fjórum sinnum. Við hittum Kristínu Ómarsdóttur, verðlaunahafa í fagurbókmenntum, á heimili hennar við Vesturgötu. Og svo er enn einn verðlaunahafi, Anna Rós Árnadóttir, sem hreppti Ljóðstaf Jóns úr Vör fyrir kvæði sem nefnist Skeljar. Í Bókum og stöðum förum við vestur á Snæfjallaströnd og segjum frá lækninum og tónskáldinu Sigvalda Kaldalóns og líka skáldkonunni Höllu Eyjólfsdóttur sem þar bjó og orti meðal annars ljóð við lag Sigvalda Ég lít í anda liðna tíð. Gagnrýnendur þáttarins fjalla um þrjár spennusögur: Týndur eftir Ragnheiði Gestsdóttur, Völundur eftir Steindór Ívarsson og Lygin eftir færeyska höfundinn Eyðun Klakstein.

Finnlands-sænskir heimildarþættir um ungt fólk og hugmyndir þeirra um framtíðina.

Beinar útsendingar frá HM í alpagreinum. Keppni í svigi kvenna á HM í alpagreinum.

Helstu fréttir dagsins af innlendum og erlendum vettvangi. Alla daga, árið um kring.

Stuttir þættir þar sem rýnt er í gömul íslensk tónlistarmyndbönd og sagan á bak við þau skoðuð. Dagskrárgerð: Gunnlaugur Jónsson.

Beinar útsendingar frá keppni í HM í skíðaskotfimi. Keppni í sprettgöngu karla á HM í skíðaskotfimi.

Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson. Gestir þáttarins eru Jón Gnarr, Vala Kristín Eiríksdóttir og Björg Magnúsdóttir. Festival fólksins fjallar um ástina. Margir óvæntir gestir kíkja í heimsókn. Floni flytur blöndu af lögunum Þráhyggja og Svefnlaus í lok þáttar.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason. Ási í Bæ (Ástgeir Kristinn Ólafsson) var landskunnur aflakóngur í Vestmannaeyjum. Hann var höfundur margra vinsælla laga og texta en einnig mikilvirkur rithöfundur. Hann segir sögur af sjálfum sér og mannlífi í Eyjum fyrr á tíð og syngur ásamt fleiri söngvurum eigin lög og texta en einnig eru fluttir textar hans við lög eftir Oddgeir Kristjánsson. Dagskrárefnið er úr safni RÚV. Umsjón og dagkrárgerð: Andrés Indriðason.

Fréttatengdur skemmtiþáttur þar sem keppendur spreyta sig á misalvarlegum spurningum sem sóttar eru í glóðvolgar fréttir og gamlar í bland. Stjórnandi og spyrill er Birta Björnsdóttir og henni til halds og trausts er fréttamaðurinn Ingunn Lára Kristjánsdóttir.

Fræðandi þættir um ótrúlega útreikninga fyrir börn á öllum aldri.

Krakkar stýra fjölbreyttum smáseríum í Stundinni okkar í vetur - sem fjalla um ALLT milli himins og jarðar. Leikin spennusería, fjörug þrauta- og spurningakeppni, girnileg matargerð, glymjandi rokktónlist og friðsamlegt jóga eru meðal þess sem verður á dagskrá í þessum elsta sjónvarpsþætti landsins. Aðalþáttastjórnendur eru Helena Lapas, Imani Ósk Biallo, Kári Hlíðberg og Tómas Aris Dimitropoulos. Fjöldi annarra krakka kemur fram í þáttunum. Dagskrárgerð: Eva Rún Þorgeirsdóttir og Ragnar Eyþórsson. Í þessum þætti eru Erlen og Lúkas í svakalegu stuði og eru að búa til sitt eigið Söngvakeppnisatriði. Þau fá til sín alla keppendurna sem komust áfram í undanúrslitum Söngvakeppninnar til að gefa sér góð ráð. Í Jörðinni halda Baldur og Linda áfram að rannsaka hvað veldur hlýnun jarðar. Nú skoða þau hvernig neysla hefur áhrif á hlýnun jarðar. Þau spjalla við Rögnu sem segir okkur frá því að hvernig það hefur neikvæð áhrif á loftslagið að kaupa svona mikið af fötum og hlutum. Við heyrum söguna af Gretu Thunberg og kíkjum í Rauðakrossbúð þar sem fást notuð föt sem eru alveg eins og ný. Í Rammvillt í Reykjavík halda Arnór, Kristín, Addú og Amma eltingaleiknum áfram og finna Sigurjón í skólanum hennar Addúar en ekki líður að löngu áður en þau eru lent í miklum vandræðum.

Stök atriði frá Upptaktinum 2023.

Fjórir krakkar í rokkhljómsveit æfa þekkt íslenskt rokklag og semja eigið lag. Í leiðinni fræðumst við um hljóðfærin í hljómsveitinni og rokktónlistarsöguna. Siggi trommuleikari segir okkur frá pönki og hljómsveitin flytur lagið Sísí fríkar út. Hljómsveitarmeðlimir: Aldís María Sigursveinsdóttir, Fatíma Rós Joof, Hilmir Þór Snæland Hafsteinsson og Sigurður Ingvar Þórisson. Tónlistarstjóri: Sigurður Ingi Einarsson.

Ólöf Sverrisdóttir les sögur og ævintýri fyrir krakkana sem koma í heimsókn í Sögubílinn. Sóla dóttir Grýlu er sofandi í "Æringja" og krakkarnir koma inn. Hún vaknar og býður krakkana velkomin. Sóla kíkir í bókina "Ástarsaga úr fjöllunum" og segir lítillega frá sögunni. Í lokin fara Sóla og krakkarnir í myndastyttuleik/tröllaleik. Leikari og handritshöfundur: Ólöf Sverrisdóttir. Krakkar: Torfi Sveinn Ásgeirsson, Rósa Elísabet Markúsdóttir, Brynja Rut Hjartardóttir, Álfheiður Dís Stefánsdóttir, Regína Sjöfn Sveinsdóttir, Alexandra Victoría Reuter, Steinunn Ýr Óttarsdóttir og Bjartur Jörfi Ingvarsson.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson. Elva og Guðríður Benediktsdætur hafa gengið um allar íbúðargötur í bæjum og þorpum þar sem búa fleiri en eitt hundrað mans. Þær hafa gengið frá Reykjavík til Ísafjarðar og úr Þorskafirði til Patreksfjarðar.

Lottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Beinar útsendingar frá Söngvakeppninni 2025. Kynnar eru Benedikt Valsson, Guðrún Dís Emilsdóttir og Fannar Sveinsson. Stjórn útsendingar: Vilhjálmur Siggeirsson og Þór Freysson. Bein útsending þar sem seinni fimm lögin eru flutt í Söngvakeppninni 2025.

Rómantísk gamanmynd frá 2022. Henry Copper er mislukkaður, ungur, breskur rithöfundur og skáldsagan hans hefur varla selst í heimalandinu. Þegar bókin slær óvænt í gegn í Mexíkó ákveður hann að ferðast þangað til að fylgja velgengni hennar eftir. Þar kemst hann fljótt að ástæðunni fyrir vinsældum bókarinnar – þýðandinn, María, breytti sögunni í sjóðheita erótíska ástarsögu. Leikstjóri: Analeine Cal y Mayor. Aðalhlutverk: Sam Claflin, Verónica Echegui og Antonia Clarke.

Dönsk dramamynd frá 1992 í leikstjórn Liv Ullmann. Sofie býr í Kaupmannahöfn ásamt ástríkum foreldrum sínum. Fylgst er með henni takast á við ólíkar áskoranir lífsins yfir tæplega 20 ára tímabil, frá 1886-1907. Myndin er byggð á skáldsögunni Mendel Philipsen and Son, eftir Henri Nathansen. Aðalhlutverk: Karen-Lise Mynster, Erland Josephson og Ghita Nørby. Myndin er ekki við hæfi barna yngri en 12 ára.