Hinrik hittir einhvern nýjan á hverjum degi og lendir í ótrúlegustu uppákomum.

Þegar sex börn reka dagvistun fyrir hunda, þá getur sko allt gerst! Búðu þig undir ofur krúttlega sjónvarpsþætti, sem fá alla til að brosa.

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Bursti er forvitinn og þrjóskur broddgöltur sem býr þar sem litlir hlutir eru stórir.

Vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Símon er hress og skemmtileg kanína sem tekst á við alls kyns áskoranir og lærir af mistökum sínum.

Ólivía er sniðug svínastelpa sem tæklar hversdaginn með frumlegum leiðum. Hún dettur gjarnan í dagdrauma og hefur að auki sett sér ýmsar sniðugar lífsreglur.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Vinirnir Begga og Fress leika sér að tölum og leysa saman ýmsar þrautir og gátur.

Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?

Önnur þáttaröð af Monsunum Kára, Villa og Hönnu sem lenda í alls kyns ævintýrum og þurfa að standa saman til að takast á við illmennið Ívar.

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Elías er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Ástsælu Múmínálfar Tove Jansson snúa aftur og lenda í alls kyns skemmtilegum ævintýrum.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Teiknimyndaþættir um Lóu sem er 12 ára og býr með mömmu sinni í stórborg. Lóu finnst hún ekki lengur vera barn og ekki alveg vera unglingur ennþá og reynir að takast á við allar þær tilfinningar sem vakna þegar unglingsárin eru að hefjast.

Loft hefur tekið jarðormana í sátt og kynnist nú ævintýralegri tilvist þeirra í gegnum sjónaukann sinn og endurspeglar sjálft sig í þeim. Áróra gefur Lofti plöntu og í framhaldinu ákveður Loft að safna eins mörgum plöntum og mögulegt er. Á meðan rækta Sunna og Máni sína innri listamenn með aðstoð plantna og gróðurs sem þau finna í náttúrunni.

Heimildarþáttaröð um íslenska kvennalandsliðið í knattspyrnu, upphafsár þess og sögu, sigra og ósigra. Liðið er eitt þeirra fremstu í heiminum og stjörnur þess með þekktustu íþróttamönnum þjóðarinnar. En leið kvennalandsliðsins á þann stað sem það er á í dag var allt annað en greið.

Ferðaþættir þar sem leikarinn Örn Árnason bregður sér í hlutverk leiðsögumanns og ferðast um áhugaverða staði við þjóðveginn eða örskammt frá. Frikki Frikk, tökumaður og ljósmyndari, er fylgdarsveinn Arnar í þessum ferðum og saman sýna þeir fram á að stundum er óþarfi að leita langt yfir skammt. Léttir þættir þar sem fjallað er um náttúru, sögu og menningu. Í þættinum förum við um Rauðhóla og Rauðavatn og ræðum um tröllabörn og drauga í brekku. Einnig skoðum við hverasvæðið við skíðaskálann.

Heimildarþættir um unglingamenningu á Íslandi í gegnum tíðina. Hver þáttur spannar einn áratug og eru unglingsárin krufin í gegnum viðtöl við þjóðþekkta Íslendinga. Leikstjórn: Björn B. Björnsson. Framleiðsla: Reykjavík Films. Í þessum þætti er áherslan lögð á áratuginn 1980-1990. Davíð Þór jónsson, Gunnar Helgason, Halldóra Geirharðsdóttir og Ingunn Snædal ræða um unglingsárin.

Sænsk þáttaröð þar sem fylgst er með brúðkaupsljósmyndurum mynda ástfangin pör á þessum miklu tímamótum.

Sænskir heimildarþættir frá 2021. Stór hluti daglegs lífs okkar er stafrænn - en hversu örugg er staða okkar í stafrænum heimi? Í þáttunum taka þrautreyndir tölvuhakkarar sig til og brjótast inn í tölvur hjá einstaklingum og fyrirtækjum, bara til að sýna okkur hinum hversu sáraeinfalt það er að komast yfir gögn - og líf - fólks með því að hakka tilveru þeirra.

Helstu fréttir dagsins af innlendum og erlendum vettvangi. Alla daga, árið um kring.

Sverrir Þór Sverrisson, betur þekktur sem Sveppi, og Gunnar Karl Gíslason, Michelin-kokkur, ferðast um landið og kynnast matarmenningu þjóðarinnar. Í þriðju þáttaröð Veislunnar leiða þeir félagar áhorfendur í ævintýraferðir um hinar ýmsu eyjar. Vestfirðir eru stórfenglegir og þar má líka finna litlar perlur eins og eyjuna Vigur í Ísafjarðardjúpi. Þangað hafa Sverrir Þór og Gunnar Karl ekki komið áður. Himnesk flatbaka, nornaseiður á Hólmavík, Gvendarlaug hins góða, dásamleg íslensk kirsuber og yfirgefin síldarverksmiðja á Djúpavík er meðal þess sem kemur við sögu. Gunnar Karl töfrar fram gómsæta fiskisúpu að mestu úr hráefni úr nærsveitum.

Veiðiþættir í umsjá bræðranna Gunnars og Ásmundar Helgasona. Í þáttunum fara þeir á ýmsa veiðistaði, fá aðstoð sérfræðinga og heimafólks og veiða meðal annars ísaldarrurriða á flugu, þorsk af kajak, lax á Vesturlandi, silung á fjöllum og hákarl úr fjöru. Þeir elda allt sem þeir veiða, þó við misjafnar aðstæður og með misjöfnum árangri. Dagskrárgerð: Eiríkur Ingi Böðvarsson. Sjóbleikjan þykir einn allra besti matfiskur sem kostur er á og bræðurnir freista þess að fanga þennan ljúffenga fisk. Áfangastaðurinn er Önundarfjörður, þar sem áin er tær, veðrið gott og ströndin hvít. Aflinn er síðan eldaður á býsna nýstárlegan hátt.

Íslensk þáttaröð í átta hlutum. Einlægar og opinskáar frásagnir fólks sem býr við aðstæður í daglegu lífi sem eru ólíkar öllu sem flestir eiga að venjast. Dagskrárgerð: Elín Sveinsdóttir. Framleiðsla: SERES hugverkasmiðja Alda Lilja Hrannardóttir er einstakur listamaður sem fann fjölina sína í Amsterdam. Þar nýtir hán eigin reynslu af geðröskunum í list sinni.

Þáttur um Íslandsmótin í rallý, torfæru og ýmsu öðru. Dagskrárgerð: Bragi Þórðarson.

Umfjallanir um leiki á EM kvenna í fótbolta. Upphitun fyrir leik Wales og Hollands á EM kvenna í fótbolta.

Leikir á EM kvenna í fótbolta. Leikur Wales og Hollands á EM kvenna í fótbolta.

Umfjallanir um leiki á EM kvenna í fótbolta. Uppgjör á leik Wales og Hollands á EM kvenna í fótbolta.

Sögur af leikmönnum EM kvenna í fótbolta.

Umfjallanir um leiki á EM kvenna í fótbolta. Upphitun fyrir leik Frakklands og Englands á EM kvenna í fótbolta.

Leikir á EM kvenna í fótbolta. Leikur Frakklands og Englands á EM kvenna í fótbolta.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lottó-útdráttur vikunnar.

Hjartnæm kvikmynd frá 2013 um Matthew, einmana ekkil sem er búsettur í París. Dag einn kynnist hann ungri franskri konu að nafni Pauline og á milli þeirra þróast sterk vinátta sem uppkomin börn Matthews eiga erfitt með að skilja. Leikstjóri: Sandra Nettelbeck. Aðalhlutverk: Michael Caine, Clémence Poésy, Justin Kirk og Jane Alexander.

Sakamálaþættir byggðir á skáldsögum eftir P. D. James. Rannsóknarlögreglumaðurinn og ljóðskáldið Adam Dalgliesh rannsakar sakamál um miðjan áttunda áratug síðustu aldar. Aðalhlutverk: Bertie Carvel, Carlyss Peer og Jeremy Irvine. Þættirnir eru ekki við hæfi barna yngri en 12 ára.