Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir. Fimm ár eru frá eldsvoðanum á Bræðraborgarstíg í Reykjavík, þar sem þrír létust. Kveikt var í húsinu en óháð því höfðu aðrir þættir áhrif á að eldsvoðinn varð mannskæður, Breytingar sem gerðar höfðu verið á húsinu voru ekki í samræmi við samþykktar teikningar og brunavarnir voru ófullnægjandi. Yfir 70 voru skráðir með heimilisfang í húsinu og veikleikar í kerfum og regluverki komu skýrt í ljós. Sérstök ráðstefna fór fram á Grand hótel í morgun vegna þessara tímamóta þar sem fulltrúar Húsnæðis- og mannvirkjastofnunar, slökkviliðsins, Alþýðusambandsins og ríkisstjórnarinnar fóru yfir breytingar síðustu fimm ára. Gestir Kastljós eru Jón Viðar Matthíasson slökkviliðsstjóra á höfuðborgarsvæðinu og og Regínu Valdimarsdóttir framkvæmdastjóri brunavarnarsviðs Húsnæðis- og mannvirkjastofnunar. Söngkonan og söngskáldið Jelena Ciric er fyrsti dagskrárþulur Rásar 1 af erlendum uppruna. Hún hefur búið á Íslandi í níu ár og segir yfirvöld ættu að leggja meiri áherslu á íslenskukennslu. Við kíkum á vakt með Jelenu í lok þáttar.

Spurningakeppni sveitarfélaga. Umsjónarmenn eru Sigmar Guðmundsson og Þóra Arnórsdóttir. Spurningahöfundur og dómari er Stefán Pálsson. Dagskrárgerð: Helgi Jóhannesson.

Karl Ágúst, Pálmi, Sigurður og Örn bregða á leik sprellfjörugir að vanda í vinsælasta sjónvarpsþætti á Íslandi. Stjórn upptöku: Björn Emilsson. Textað á síðu 888 í Textavarpi.

Valinkunnir tónlistarmenn flytja nokkur laga sinna að viðstöddum áheyrendum í myndveri RÚV. Stjórn upptöku: Jón Egill Bergþórsson. Helgi Björns hefur lengi verið í sviðsljósninu, bæði sem leikari og söngvari. Hann var í hljómsveitinni Grafík og seinna konungur sveitaballanna um langt skeið með hljómsveit sinni Síðan skein sól. Á undanförnum árum hefur hann gert vinsælar plötur með hestamannalögum ásamt Reiðmönnum vindanna. Í þættinum flytur hann nokkur af þekktari lögum sínum.

Heimildarþáttaröð frá BBC þar sem Michael Mosley hittir fólk víða um heim sem virðist hafa fundið leiðir til að hægja á öldrun sinni og rannsakar vísindin á bak við fullyrðingar þeirra.

Hljómskálinn snýr aftur, fullur langt út úr dyrum af nýjum viðtölum, nýjum andlitum og nýrri íslenskri tónlist. Sigtryggur Baldursson og Una Torfadóttir yfirheyra íslenskt tónlistarfólk og greiningardeildin kryfur bransann til mergjar. Framleiðsla: Stjörnusambandsstöðin. Við spjöllum við tónlistarfólk sem tengist hafinu á ýmsan hátt. Elst upp við það, eða hreinlega á því. Loks taka óvæntir skipsfélagar, þeir Benni Hemm Hemm og Páll Óskar, nýtt lag saman.

Hugrökk stelpa bjargar apakónginum, guði sem hafði lengi verið fastur í steini, og leggst í för til að finna sjö heilög handrit og bjarga heiminum frá illu.

Húgó finnur dularfulla grímu sem gerir honum kleift að komast inn í sína eigin drauma. Getur hann núna, með hjálp grímunnar, loksins sigrast á martröðum sínum?

Hildur og Alexander vita ekkert skemmtilegra en einmitt að grúska í geymslunni hennar ömmu. Þar er aldeilis nóg af dóti! Þau láta ímyndunaraflið ráða og búa til eitthvað nýtt úr gömlum hlutum á verkstæðinu. Umsjón: Hildur Eva Höskuldsdóttir og Alexander Ottó Þorleifsson Dagskrárgerð: Eva Rún Þorgeirsdóttir og Elvar Egilsson Hildur og Alexander finna gamalt sængurver í geymslunni og ákveða að búa til tjald úr því á verkstæðinu.

Íslensk tónlistarmyndbönd. Lag: Thank You Flytjandi: Dikta Lagahöfundur: Dikta Textahöfundur: Haukur Heiðar Hauksson

Breskir gamanþættir frá 2022 um hina óviðjafnanlegu Jessop-fjölskyldu. Daglegt líf þeirra er heldur óreiðukennt og yngsti sonurinn Sam festir það allt á filmu. Aðalhlutverk: Katherine Parkinson, Jim Howick og Freya Parks. Handritshöfundur: Tom Basden.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Á árinu 2025 sýnir RÚV fjölda vel valdra Disney-teiknimynda og kvikmyndaáhugafólk fjallar um hverja mynd. Friðrik Dór Jónsson segir frá myndinni Ævintýralegur flótti, eða Tangled, frá árinu 2010.

Talsett Disney-teiknimynd frá 2010. Garðabrúða er ung stúlka með afar sítt töfrahár. Hún elst upp lokuð inni í háum turni í leynilegum dal og dreymir um að komast út. Dag einn brýst þjófurinn Flynn inn í turninn og hún sannfærir hann um að aðstoða sig við að flýja. Það reynist upphafið að heilmiklu ævintýri.

Tónlistarmenn koma í Stúdíó RÚV og færa landsmönnum tónlist heim í stofu. Stjórn upptöku: Guðmundur Atli Pétursson. Þættir frá 2024.

Breskur sakamálaþáttur um hinn slungna séra Brown sem er ekki bara kaþólskur prestur heldur leysir glæpsamleg mál á milli kirkjuathafna. Aðalhlutverk: Mark Williams.

Breskir sakamálaþættir byggðir á skáldsögum eftir P. D. James. Rannsóknarlögreglumaðurinn og ljóðskáldið Adam Dalgliesh rannsakar sakamál um miðjan áttunda áratug síðustu aldar. Aðalhlutverk: Bertie Carvel. Þættirnir eru ekki við hæfi barna yngri en 12 ára.