Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir. Samkvæmt nýjum Þjóðarpúlsi Gallups er Miðflokkurinn í mikill sókn en Sjálfstæðisflokkurinn er ekki að ná vopnum sínum. Hvað skýrir þessa breytingu á hægri væng stjórnmálanna? Rætt við Jens Garðar Helgason, varaformann Sjálfstæðisflokksins, og Sigríði Andersen, þingflokksformann Miðflokksins. Um 40 prósent húsfélaga í nýbyggðum fjölbýlishúsum hafa þurft að bera kostnað vegna galla. Málin valda íbúum oft miklu álagi og streitu. Þetta er meðal þess sem fram kemur í nýrri rannsókn um galla í nýbyggingum. Helgi Rafn Ingvarsson semur óperur um Ragnarök, stærðfræði og þagnir. Hann er þó kunnugur fyrir fleira en klassíska tónlist.

Bein útsending frá spurningakeppni sveitarfélaga. Umsjónarmenn eru Sigmar Guðmundsson og Þóra Arnórsdóttir. Spurningahöfundur og dómair: Stefán Pálsson. Stjórn útsendingar: Helgi Jóhannesson. Í þessum þætti mætast lið Rangárþings ytra og Skagafjarðar. Lið Rangárþings ytra skipa Hreinn Óskarsson skógfræðingur hjá Skógrækt ríkisins og Hekluskógum, Harpa Rún Kristjánsdóttir frá Hólum og Steinar Tómasson sem vinnur í grunnskólanum á Hellu. Lið Skagafjarðar skipa Guðný Zoega fornleifafræðingur á Byggðasafni Skagfirðinga, Guðrún Rögnvaldardóttir framkvæmdastjóri Staðlaráðs Íslands og Vilhjálmur Egilsson rektor háskólans á Bifröst.

Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Karl Ágúst, Pálmi, Sigurður og Örn bregða á leik sprellfjörugir að vanda í vinsælasta sjónvarpsþætti á Íslandi. Stjórn upptöku: Björn Emilsson.

Hljómskálinn snýr aftur, fullur langt út úr dyrum af nýjum viðtölum, nýjum andlitum og nýrri íslenskri tónlist. Sigtryggur Baldursson yfirheyrir íslenskt tónlistarfólk og greiningardeildin kryfur bransann til mergjar. Framleiðsla: Stjörnusambandsstöðin. Það geta ekki allir verið í fremsta flokki. Sumar stjörnur eru bara alveg með þetta og skyggja á allt og alla umhverfis. Þetta er fólkið sem þú vilt ekki vera með uppi á sviði ef þú þráir athygli.

Sænskir þættir frá 2021. Fjölskyldur prófa alls kyns afþreyingu í von um að finna áhugamál sem öll fjölskyldan getur stundað saman.

Hrúturinn Hreinn og félagar hans á bóndabænum lenda í mörgum skemmtilegum ævintýrum.

Róbert og hressu hvolparnir í Hvolpasveitinni eru komin aftur og takast á við ný verkefni og nýja þorpara eins og þeim einum er lagið.

Lundinn Flögri kynnir unga áhorfendur fyrir áhugaverðum fyrirbærum um land allt. Í þessum þætti kynnist Flögri íslenskum fuglum og eignast nýja vini.

Þriðja þáttaröðin um hina vinsælu Blæju og Hælbein fjölskylduna. Daglegt líf fjölskyldunnar gengur sinn vanagang, en hins vegar er enginn dagur eins þegar Blæja og Bára eiga í hlut.

Lærið um tölustafina með Tölukubbunum!

Ævintýri Bursta og vina hans. Bursti er forvitinn og þrjóskur broddgöltur sem býr þar sem litlir hlutir eru stórir.

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Íslensk tónlistarmyndbönd. Lag: Hvað ef Flytjandi: GDRN (Guðrún Ýr Eyfjörð Jóhannesdóttir) Höfundur: Guðrún Ýr Eyfjörð Jóhannesdóttir

Fyrsta þáttaröð Með okkar augum, þar sem fólk með þroskahömlun skoðar málefni líðandi stundar með sínum augum og spyr þeirra spurninga sem því eru hugleiknastar hverju sinni. Dagskrárgerð: Elín Sveinsdóttir. Þættir frá 2011.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Eva María Jónsdóttir og Pétur Blöndal fara í rannsóknarleiðangur og draga fram þræði ljóðsins í íslensku samfélagi. Hafa ljóð þýðingu í tilverunni og geta þau breytt lífi fólks? Þau skoða þætti sem ná yfir allt frá leikskólum til elliheimila, vöggu til grafar, ást til haturs, tónlist til myndlistar, göldrum til vísinda, rímum til rapps og landnámi til þessa dags. Dagskrárgerð: Jakob Halldórsson. Í þættinum kynnumst við líkn ljóðsins í harmi og missi, hlutverki þess í dauðanum, bersögli, greddu og erótík á mörkum þess sem má, mæðginum sem yrkja eftir pöntun og mörgu fleiru.

Breskt drama frá 2021 um Talithu Campbell, dóttur auðugs athafnamanns, sem er handtekin, grunuð um morð á skólasystur sinni. Lögmaðurinn Cleo Roberts er ráðin til að verja Talithu á meðan lögregla og saksóknari vinna hörðum höndum að því að sanna sekt hennar. Aðalhlutverk: Celine Buckens, Tracy Ifeachor og Joseph Payne. Þættirnir eru ekki við hæfi barna yngri en 12 ára.

Heimildarmynd í tveimur hlutum um fornleifafund í Marokkó árið 1960. Þar fundust um 300.000 ára gamlar leifar sem vörpuðu nýju ljósi á uppruna mannsins.

Sannsögulegir úkraínskir dramaþættir frá 2024. Sálfræðingurinn Lydia aðstoðar samborgara sína fyrstu vikurnar eftir innrás Rússa í Úkraínu. Hún ekur þeim í öruggt skjól og hlýðir á átakanlegar sögur þeirra. Aðalhlutverk: Anastasiya Karpenko, Igor Koltovskyy og Nadiya Levchenko. Þættirnir eru ekki við hæfi barna yngri en 12 ára.

Heimildarþáttaröð þar sem fjallað er um ævi, störf og arfleifð Hollywood-stjörnunnar Marilyn Monroe. Þættirnir eru ekki við hæfi barna yngri en 12 ára.