Ný sería um hin vinsæla Fílsa. Í þessu þáttum fylgjumst við með Fílsa og litlu börnunum kynnast hinum ýmsu dýrum og leika sér saman.

Þriðja þáttaröðin um vinalega hundinn Sám og krílin sem vinna sér inn merki á leikskólanum hans.

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Fjólublái fíllinn Fílsi lærir ýmislegt um allskonar mismunandi vélar.

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Vinirnir Begga og Fress leika sér að tölum og leysa saman ýmsar þrautir og gátur.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Litlu lundasystkinin Úna og Bubbi búa á eyjunni Lundakletti. Þau lenda sífellt í nýjum ævintýrum með vinum sínum.

Önnur þáttaröð af Monsunum Kára, Villa og Hönnu sem lenda í alls kyns ævintýrum og þurfa að standa saman til að takast á við illmennið Ívar.

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Jojo er alveg að verða fimm ára. Hún er svo heppin að búa í nágrenni við ömmu sína. Saman bralla þær ýmislegt

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Í þessari seríu fylgjumst við með hetjunni Bjössa brunabangsa, sem elskar að keyra slökkviliðsbíl og slökkva elda. Á hverjum einasta degi leysir hann spennandi verkefni með hjálp frá samstarfsfólki sínu.

Ástsælu Múmínálfar Tove Jansson snúa aftur og lenda í alls kyns skemmtilegum ævintýrum.

Skemmtiþáttur fyrir alla fjölskylduna þar sem unga kynslóðin gerir upp árið. Leikstjóri: Árni Beinteinn

Á degi íslenskrar tónlistar, 1. desember, var tónskáldið og textahöfundurinn Magnús Eiríksson fyrstur til að hljóta ný heiðursverðlaun Tónlistarráðs sem bera heitið Þakkarorða íslenskrar tónlistar. Í þættinum er sýnt frá viðburðinum sem haldinn var í Eldborg í Hörpu, þar sem lög Magnúsar voru flutt af fremsta tónlistarfólki landsins, og ferill hans rifjaður upp í myndum, tónum og tali. Meðal þeirra sem fram koma eru Bríet, Ragga Gísla, Pálmi Gunnarsson, Ellen Kristjáns, Mugison, KK og Valdimar Guðmundsson. Kynnar eru Jón Jónsson og Salka Sól. Umsjón: Viktoría Hermannsdóttir. Stjórn upptöku: Helgi Jóhannesson. Framleiðsla: RÚV, Tónlistarmiðstöð, Harpa og Menningar- og viðskiptaráðuneytið.

Heimildarmynd um rithöfundinn Ólaf Hauk Símonarson, feril hans og verk. Arthúr Björgvin Bollason tekur Ólaf Hauk tali og vinir og samferðarmenn tala um kynni sín af honum. Kvikmyndastjórn: Jón Egill Bergþórsson. Framleiðsla: Eggert Gunnarsson.

Helstu fréttir dagsins af innlendum og erlendum vettvangi. Alla daga, árið um kring. Magnús Eiríksson, texta- og lagahöfundur, lést í morgun, áttræður að aldri.

Heimildarþáttur um leghálskrabbamein á Íslandi. Í þættinum er rætt er við lækna um meðhöndlun sjúkdómsins og konur segja frá reynslu sinni. Orsök leghálskrabbameins er vel þekkt en það uppgötvast oft seint. Dagskrárgerð: Páll Kristinn Pálsson.

Heimildarmynd frá 2021 um hvernig söngur í kór getur haft langvarandi jákvæð áhrif á börn og unglinga. Rætt er við núverandi og fyrrverandi félaga í barna- og unglingakórum Selfosskirkju um hvernig kórsöngurinn hefur mótað þau. Dagskrárgerð: Anna Edit Dalmay.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason. Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni Sjónvarpsins á nærfellt hálfrar aldar tímabili. Umsjón og dagskrárgerð: Andrés Indriðason.

Stuttir þættir um sögurnar á bak við áhugaverðar ljósmyndir. Í hverjum þætti er fjallað um eina ljósmynd og sögu hennar – hvað var að gerast þegar myndin var tekin, hverjar voru aðstæður fólksins á ljósmyndinni og hvert er samhengið við nútímann? Leikstjóri: Þorsteinn J. Framleiðsla: Þetta líf, þetta líf. Á ljósmyndinni sem fjallað er um sjást tvær ungar konur í leðurjökkum með gríðarmikla hárkamba dansa á Rykkrokki í Fellahelli 1987. Petra Björk Pálsdóttir segir frá tilefninu, aðdraganda þess að hún og vinkona hennar, Þórgunnur Eyfjörð Pétursdóttir, klæddust eins og pönkarar og frá pönkmenningunni á Akureyri.

Leikir í VÍS-bikarkeppni kvenna í körfubolta. Leikur Keflavíkur og Hauka í 8-liða úrslitum VÍS-bikarkeppni kvenna í körfubolta.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Ritstjórn: Gísli Einarsson.

Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar. Ormhildur sækir nykratað við Nykurvatn til að setja á eldinn. Óvart kemur lítið nykurfolald með henni heim. Litla skrímslið veldur uppnámi á eyjunni. Íbúarnir eru þjáðir af þorsta því Hallgrímur hefur sölsað undir sig allt vatnið. Hann bælir reiði þeirra með göldrum. Hann vill ekki að Albert noti galdra til að láta allt verða eins og það var fyrir flóðið.

Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?

Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Stuttir norskir þættir þar sem fólk þakkar kennara sínum fyrir að hafa breytt lífi sínu til hins betra.

Lottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Ómissandi endapunktur sjónvarpsársins. Einvalalið leikara og skemmtikrafta rýnir í fréttir, viðburði og uppákomur ársins. Handritshöfundar eru Anna Svava Knútsdóttir, Björn Bragi Arnarson, Jón Ragnar Jónsson, Karen Björg Eyfjörð og Ólafur Ásgeirsson. Leikstjórn: Allan Sigurðsson og Hannes Þór Arason. Framleiðsla: Atlavík.

Rómantísk kvikmynd frá 2015. Þegar Adaline er 29 ára lendir hún í slysi sem veldur því að hún hættir að eldast. Í átta áratugi forðast hún að mynda tengsl við fólk af ótta við að upp komist um leyndarmál hennar, þar til hún hittir Ellis og verður ástfangin. Þegar hún hittir foreldra hans og áttar sig á að sannleikurinn gæti komið í ljós tekur hún afdrifaríka ákvörðun. Leikstjóri: Lee Toland Krieger. Aðalhlutverk: Blake Lively, Michiel Huisman og Harrison Ford.

Suðurkóresk spennumynd um rannsóknarlögreglumann sem rannsakar dauða manns sem féll fram af kletti. Meðan á rannsókninni stendur kynnist hann dularfullri eiginkonu þess látna og þau þróa með sér flókið samband. Leikstjóri: Park Chan-wook. Aðalhlutverk: Park Hae-il, Tang Wei og Lee Jung-hyun. Myndin er ekki við hæfi barna yngri en 12 ára.