Heimsborgarinn Frímann Gunnarsson ferðast á húsbíl um landið og rýnir af sinni alkunnu snilld í þjóðarsál Íslands, utan höfuðborgarsvæðisins. Hann hefur engar væntingar en mun auðvitað koma með menninguna með sér í farteskinu, leitast við að uppfræða þjóðina og kynna í leiðinni glænýja barnabók sem hann var að ljúka við, Lárus og þankatröllin. Dagskrárgerð: Ragnar Hansson og Gunnar Hansson. Framleiðsla: Ananas ehf.

Heimildarþáttaröð í fjórum þáttum um einn ástsælasta leikara og grínara þjóðarinnar, Sigurð Sigurjónsson, sem skemmt hefur landsmönnum á skjánum, á sviði sem og á hvíta tjaldinu í meira en fjörutíu ár. Siggi og samferðafólk hans er tekið tali um leið og eftirminnilegustu hlutverkin eru rifjuð upp. Umsjón: Guðmundur Pálsson. Dagskrárgerð: Björn Emilsson. e.

Íslensk gamanþáttaröð um poppstjörnuna Össa sem á að keppa fyrir Íslands hönd í Júróvísion. Þegar líður að keppninni vandast málið því móðir Össa deyr og hann neitar að fara af landi brott fyrir en búið er að jarða hana. Maður gengur undir manns hönd við að redda málunum svo Össi og Íslendingar geti loksins sigrað Júróvisión. Leikstjóri: Vera Sölvadóttir. Aðalhlutverk: Björn Jörundur Friðbjörnsson, Þorsteinn Bachmann, Edda Björg Eyjólfsdóttir og Rúnar Freyr Gíslason. Framleiðandi: Sagafilm.

Andri Freyr Viðarsson og Dóra Takefusa fara yfir 50 ára skemmtistaða- og djammmenningu Reykjavíkur, allt frá því að Glaumbær brann til dagsins í dag. Þau fá til sín fjölbreyttan hóp viðmælanda sem tengjast næturlífinu á einn eða annan hátt og rifja upp skemmtilegar staðreyndir, sögur og minningar.

Íslensk þáttaröð í leikstjórn Arnórs Pálma Arnarsonar. Hekla hefur verið inn og út af meðferðarstofnunum frá unglingsaldri. Þegar hún missir forræði yfir dóttur sinni gerir hún tilraun til að halda sig á beinu brautinni með því að skrá sig í Hússtjórnarskólann í Reykjavík. Meðal leikenda eru Ebba Katrín Finnsdóttir, Edda Björgvinsdóttir og Katla Þórudóttir Njálsdóttir.