Sindri Sindrason heimsækir sannkallaða fagurkera sem opna heimili sín fyrir áhorfendum.

Glæsilegir og frábærir þættir þar sem fylgst er með stórkostlegum endurbótum á heimilum. Oftar en ekki er einblýnt á nútímahönnun, orkunýtni, hvernig á að hámarka nýtingu á plássi og útsýni.

Forrester-fjölskyldan er leiðandi í tískuheiminum en með miklum vinsældum fylgir líka mikil ábyrgð og pressa á að standa sig. Endalaus valdabarátta og erjur utan sem innan fyrirtækisins setja stundum mark sitt starfsemina og ekki hjálpa flóknu fjölskyldutengslin til sér í lagi þegar Spencer klanið fléttast inn í daglegt líf þeirra.

Stórskemmtilegir þættir þar sem Eva Laufey fær til sín góða gesti sem ætla að keppa í kökubakstri. Eva er með ákveðna uppskrift sem keppendur þurfa að fylgja frá upphafi til enda í blindni. Eldhús keppendanna eru stúkuð af og sjá þeir ekkert nema sína vinnustöð. Með aðeins hráefnin fyrir framan sig og rödd Evu þurfa þeir að fylgja henni í einu og öllu á meðan hún bakar í sínu horni, þá reynir á að þekkja hráefnin og nýta tímann sem best. Sigurvegarinn er sá sem á afraksturinn sem er hvað líkastur því sem Eva Laufey lagði upp með.

Framhaldsþáttaröð af gamanþáttum frá níunda áratugnum um fósturbarnið Punky. Núna er hún fullorðin, ný fráskilin, með fjögur börn og hund. Það er því í nógu að snúast en gleðin og húmorinn er aldrei langt undan.

FYRSTA BLIKIÐ eru íslenskir raunveruleikaþættir sem fjalla um ástina, leitina að henni og þessa fyrstu stund þegar við hittumst og reynum að finna hvort að töfrar svífi yfir vötnum. Þessa stund sem við kjósum að kalla stefnumót. Í þáttunum hittum við fyrir fólk á öllum aldri sem er í leit að ástinni og kynnumst þeim meðal annars í gegnum skemmtileg og einlæg viðtöl. Einnig tökum við tal á aðstandendum þátttakenda til að fá meiri innsýn í líf þeirra og persónuleika.

Sumu er ekki ætlað að deila með örðum. Hádramatískir þættir um tvo háskólanema í Dublin, Frances og Bobbi, og óvænt og óvenjulegt samband þeirra við hjónin Melissu og Nick.

Stórskemmtileg þáttaröð þessara sívinsælu þátta um hina frábæru Simpson-fjölskyldu en hún er söm við sig og hefur ef eitthvað er aldrei verið uppátækjasamari.

Önnur þáttaröðin um hina ungu Carrie Bradshaw sem áhorfendur þekkja úr þáttaröðinni Sex and the City, þegar hún var yngri og var að taka sín fyrstu spor á framabrautinni.

Stórskemmtilegir matreiðsluþættir og einir vinsælustu þættir Bretlands. 12 áhugabakarar keppast með færni sinni og útsjónarsemi um að heilla ofur smámunasama dómara. Að lokum stendur einn uppi sem sigurvegari og titilinn áhugabakari ársins.

Stórskemmtilegur fjölskyldu- og skemmtiþáttur þar sem buslugangurinn er botnlaus og glíman við stærstu þrautabraut heims endalaus uppspretta spaugilegra atvika.

Í þáttunum kynnumst við sex einstaklingum sem hafa um árabil unnið að því að finna innri ró og jafnvægi sem og að aðstoðað aðra við það. Andleg vinna er margþætt en hér heyrum við sögur þessara einstaklinga og hvað það hefur gert fyrir þau að byrja að feta andlegu brautina.

Þriðja þáttaröð þessara dularfullu spennuþátta. Farþegarnir halda áfram að reyna að komast að því hvað kom fyrir þau í flugi 828. Hvert fór flugvélin í þessi 5 ár? Afhverju heyra þau og sjá hluti sem erfitt er að útskýra? Og afhverju er þessi tenging á milli þeirra?

Sjötta þáttaröð þessara sívinsælu og skemmtilegu spennuþátta úr smiðju DC Comics um Köru sem býr yfir sömu ofurkröftum og frændi hennar Clark Kent.

Sprenghlægileg og öðruvísi söngvakeppni þar sem grímuklæddir, frægir einstaklingar keppa sín á milli. Tólf keppendur klæða sig upp í kostulega búninga til að fela hverjir þeir eru. Einn dettur út í viku hverri og þarf þá að lyfta hulunni af því hver hann er. Joel Dommett er kynnir þáttanna og sér um að skemmta áhorfendum ásamt frábærum dómurum.

Önnur þáttaröðin um hina ungu Carrie Bradshaw sem áhorfendur þekkja úr þáttaröðinni Sex and the City, þegar hún var yngri og var að taka sín fyrstu spor á framabrautinni.

Forrester-fjölskyldan er leiðandi í tískuheiminum en með miklum vinsældum fylgir líka mikil ábyrgð og pressa á að standa sig. Endalaus valdabarátta og erjur utan sem innan fyrirtækisins setja stundum mark sitt starfsemina og ekki hjálpa flóknu fjölskyldutengslin til sér í lagi þegar Spencer klanið fléttast inn í daglegt líf þeirra.

Fréttastofa Stöðvar 2, Vísis og Bylgjunnar flytur fréttir í beinni útsendingu á hverjum degi.

Íþróttafréttamenn fara yfir það helsta úr heimi íþróttanna.

Skemmtilegur og fjölbreyttur dægurmálaþáttur.

Stórgóðir og spennandi raunveruleikaþættir þar sem hugmyndaríkir frumkvöðlar keppa um hylli auðjöfra með alls kyns uppfinningum og hugmyndum. Auðjöfrarnir eru vægðarlausir í umsögnum sínum og reka umsækjendur hiklaust á dyr en þyki hugmyndirnar arðvænar og áhugaverðar aðstoða fjárfestarnir frumkvöðlana við að gera hugarfóstur þeirra að veruleika, gegn skilmálum að sjálfsögðu.

Í þessari tólftu þáttaröð eru mættir til leiks vinsælir keppendur úr fyrri þáttaröðum sem þurftu að horfa á eftir bikarnum til andstæðinga sinna en fá nú annað tækifæri til að sanna sig. Það verður því barist til síðasta blóð- (og svita) dropa í hörðustu keppninni hingað til.

Hörkuspennandi þættir sem fjalla um liðsforingjann Daniel Harrelson sem er í sérsveit lögreglunnar í Los Angeles. Daniel og félagar vinna við að vernda hverfið sem hann ólst upp í en það skapar oft togstreitu milli hans og gömlu vinanna því laganna verðir eru ekki alltaf velkomnir.

Þriðja þáttaröð þessara dularfullu og spennandi þátta sem byggðir eru á samnefndri bók H. G. Wells og í anda Walking Dead. Eftir að geimverur hafa gert innrás á jörðina þurfa þeir eftir eru að taka höndum saman til þess að lifa af.

Sakamálaþættir um fyrrverandi rannsóknarlögreglukonu sem er gædd þeim hæfileika að muna bókstaflega allt það sem hún hefur upplifað og getur séð það fyrir sér myndrænt. Hún snýr aftur til starfa með lögreglunni og nýtir hæfileika sína til að leysa glæpi.

Fjögurra þátta spennuþáttur og ráðgáta frá 2022. Fi Lawson veit ekki á hverju hún á von þegar hún kemur heim til sín dag einn en þar tekur ókunnugt fólk á móti henni sem er flutt inn í húsið hennar og Bram, maðurinn hennar, er horfinn.

Umsvifamikið morðmál nær athygli fjölmiðla og almennings. Þegar Talitha Campbell, hrokafull dóttir ríks athafnamanns er handtekin eftir að samnemandi hennar, Hannah Ellis, hverfur. Báðar hliðar berjast fyrir sínum sannleik um hvað hafi komið fyrir Hönnuh og hvers konar manneskja Talitha er. Er hún ranglega sökuð eða kaldrifjaður morðingi?

Glæpasálfræðingurinn Malcolm Bright er mættur aftur í þessum frábæru glæpaþáttum. Hann er fremstur í sínu fagi en er jafnframt umdeildur fyrir aðferðir sínar. Það bætir ekki úr skák að faðir hans er dæmdur raðmorðingi sem er ráðgjafi hans í ýmsum málum en því reynir hann að halda leyndu þegar hann aðstoðar lögregluna í New York við lausn erfiðra sakamála.

Beittir, siðferðislega flóknir og spennuþrungnir þættir frá 2021 um þrjá einstaklinga sem þurfa að horfast í augu erfiða fortíð. Ung kona sem horfðist í augu við hættulegan morðingja, fyrrverandi raðnauðgari í leit að endurlausn og syrgjandi kona sem er gagntekin af því að finna týnda dóttur sína eru viðfangsefni í þáttunum. Með því að ganga þeim nærri verður sannleikurinn skuggalegri og línan milli fórnalambs og geranda óskýrari.

Glæsilegir og frábærir þættir þar sem fylgst er með stórkostlegum endurbótum á heimilum. Oftar en ekki er einblýnt á nútímahönnun, orkunýtni, hvernig á að hámarka nýtingu á plássi og útsýni.

Framhaldsþáttaröð af gamanþáttum frá níunda áratugnum um fósturbarnið Punky. Núna er hún fullorðin, ný fráskilin, með fjögur börn og hund. Það er því í nógu að snúast en gleðin og húmorinn er aldrei langt undan.

Sumu er ekki ætlað að deila með örðum. Hádramatískir þættir um tvo háskólanema í Dublin, Frances og Bobbi, og óvænt og óvenjulegt samband þeirra við hjónin Melissu og Nick.